ഇടുക്കി ജില്ലയിലെ വെള്ളത്തൂവലിൽ എം.കെ. ഫക്രുദീന്റെയും മീരയുടെയും മകനായി ജനനം. എറണാകുളം മഹാരാജാസ് കോളേജിൽ നിന്ന് ഇംഗ്ലീഷ് സാഹിത്യത്തിൽ ബിരുദാനന്തര ബിരുദം നേടി. നിലവിൽ മലയാള മനോരമയിൽ അസിസ്റ്റന്റ് എഡിറ്ററായി പ്രവർത്തിക്കുന്നു.

‘രാത്രി’ (ഏലീ വീസൽ), ‘അംബേദ്കർ: ഒരു പ്രബുദ്ധ ഇന്ത്യയ്ക്കായി’ (ഗെയ്ൽ ഓംവെത്), ‘നാല്പതു പ്രണയനിയമങ്ങൾ’ (എലിഫ് ഷഫാക്), ‘ദെറീദ: ഇസ്‌ലാമും പടിഞ്ഞാറും’ (മുസ്തഫ ഷെരീഫ്) എന്നീ കൃതികൾ മലയാളത്തിലേക്ക് വിവർത്തനം ചെയ്തിട്ടുണ്ട്. ‘നോം ചോംസ്‌കി: ധൈഷണിക ജീവചരിത്രം’, ‘ഏകാന്തതയുടെ പുരാവൃത്തം’, ‘ലോകം അവസാനിക്കുന്നില്ല’, ‘പറവയുടെ സ്വാതന്ത്ര്യം’ എന്നിവ സാഹിത്യ വിമർശന ഗ്രന്ഥങ്ങളായും, ‘ഹൃദയസല്ലാപം’ പഠനകൃതിയായും പ്രസിദ്ധീകരിച്ചിട്ടുണ്ട്. ‘സൂസന്നയുടെ ഗ്രന്ഥപ്പുര’ അദ്ദേഹത്തിന്റെ ആദ്യ നോവലാണ്.