Description
പൂക്കളിൽ താമര പോലെയോ കൊന്നപ്പൂ പോലെയോ പനിനീർപ്പൂ പോലെയോ അത്ര പേരും പ്രസിദ്ധിയുമൊന്നുമില്ലെങ്കിലും കാക്കപ്പൂവും പൂവാണ്. സമ്പന്നന്റെ തിരുമുറ്റങ്ങളിൽ സാന്നിധ്യം സാധ്യമല്ലാത്ത കാക്കപ്പൂക്കൾക്ക് നിരവധി കാര്യങ്ങൾ പറയാനുണ്ടാകും. മഹാകവി പി. കുഞ്ഞിരാമൻ നായരടക്കം പല പ്രതിഭകളും ചെറുപൂക്കളുടെ ആത്മകഥ തേടിപ്പോയിട്ടുണ്ട്. ആ കവികളെ പൂക്കൾ ഉള്ള മധുരം കൊടുത്ത് സൽക്കരിച്ചിട്ടുണ്ട്, കഥ പറഞ്ഞുകൊടുത്തിട്ടുണ്ട്. അടിത്തട്ടിലെ പൂക്കളെയും മനുഷ്യരെയും അന്വേഷിച്ചു കണ്ടെത്തുകയും അവരോടൊപ്പം നിൽക്കുകയും ചെയ്യുകയാണ് സുജിത്ത് കയ്യൂർ. സാധാരണക്കാരായവവരുടെ ജീവിതം കടുത്ത ചായത്തിൽ പകർത്തിയിരിക്കുകയാണ് ഈ കവി’ -കുരീപ്പുഴ ശ്രീകുമാർ
