കവിയും, നോവലിസ്റ്റും, സാഹിത്യനിരൂപകനുമായ കാവാലം ബാലചന്ദ്രൻ നിരവധി സമ്മാനങ്ങൾ നേടിയ എഴുത്തുകാരനാണ്.

കാവാലം കുന്നുമ്മയില്‍ പിച്ചനാട്ടുവീട്ടില്‍ പങ്കജാക്ഷിയമ്മയുടെയും ഹരിപ്പാട് ആയാപറമ്പില്‍ ചിറയ്ക്കല്‍ വീട്ടില്‍ ചന്ദ്രശേഖരന്‍നായരുടെയും മകനായി 1953 ഡിസംബറില്‍ ജനിച്ചു. ഇംഗ്ലീഷ് ഭാഷാസാഹിത്യങ്ങളില്‍ ബിരുദം.
പൊതുമരാമത്തുവകുപ്പില്‍ നിന്നു വിരമിച്ചു. 2010-ലെ ഡോ. കെ. ദാമോദരന്‍ കവിതാപുരസ്‌കാരം (കൊല്ലം) ‘ഒരു മദ്ധ്യവര്‍‍ത്തിയുടെ പച്ചയായ ജീവിതത്തില്‍ നിന്ന്’ എന്ന കവിതാസമാഹാരത്തിനും 2015-ലെ കേരളാസ്റ്റേറ്റ് ബുക്ക് മാര്‍ക്കിന്റെ സാഹിത്യ പുരസ്‌കാരം ‘ലങ്ക’ എന്ന നോവലിനും ലഭിച്ചിട്ടുണ്ട്. ഓച്ചിറ ശങ്കരന്‍കുട്ടി നവോത്ഥാന നര്‍ത്തകന്‍ ‍ഫൗണ്ടേഷന്റെ 2019-ലെ സാഹിത്യസപര്യാ പുരസ്‌കാരവും ലഭിച്ചിട്ടുണ്ട്.